أغنية الربيع الخالدة
كلمات : مأمون الشناوي
غناء وألحان : فريد الأطرش
كلمات أغنية الربيع
أدى الربيع عاد من تانى والبدر هلت انواره وفين حبيبى اللى رمانى من جنه الحب لناره ايام رضاه يازمانى يا زمانى هاتها وخد عمرى اللى رعيته رمانى رمانى فاتنى وشغل فكرى كان النسيم غنوه النيل يغنيها وميته الحلوه تفضل تعيد فيها وموجه الهادى كان عوده ونور البدر اوتاره يلاغى الورد وخدوده يناجى الليل واسراره وانغامه بتسحرنا انا وهو مفيش غيرنا لمين بتضحك ياصيف لياليك وايامك كان لى فى عهدك اليف عاهدنى قدامك كان لى فى قلبك طيف يخطر فى احلامك من يوم ما فاتتنى وراح شدو البلابل نواح والورد لون الجراح مر الخريف بعده دبل زهور الغرام والدنيا من بعده هوان ويأس والام لاالقلب ينسى هواه ولاحبيبى بيرحمنى وكل ما اقول اه يزيد فى ظلمه ويهنى وادى الشتا ياطول لياليه ع الى فاته حبيبه ياليل يابدر نسمه ياطير يازهر يااغصان هاتوا م الحبيب كلمه تواسى العاشق الحيران اخذ ورد الهوى منى وفات لى شوكه يألمنى ما اعرفش ايه ذنبى غير انى فى حبى اخلصت من قلبى وغاب عنى لاكلمنى ولا قال امتى راح اشوفه واقول يمكن يرحمنى ويبعت فى الربيع طيفه وادى الربيع عاد من تانى
قصة اغنية الربيع
الشاعر الغنائي مأمون الشناوي كتب كلمات هذه الأغنية الرائعة أصلا للفنانة السيدة أم كلثوم في البداية أعجبت كوكب الشرق بكلنات الأغنية لكن كعادتها طلبت تعديلات عليها مما احزن مأمون الشناوي وتصادف أن قابله فريد الأطرش وكان يسكن بجوار كوكب الشرق وسأله هو فيه أيه ؟ فحكي له مأمون الشناوي عن الموقف مع كوكب الشرق الفنان فريد الأطرش عجبته الأغنية وقرر أن يلحنها وبالفعل أصبحت الأغنية من علامات زمن الفن الجميل بداية من سنة 1947 وحتي يومنا هذا وغني فريد الأطرش الأغنية التي رقصت علي أنغامها الفنانة سامية جمال في فيلم عفريتة هانم
مواقع الصحف المصرية الهامة أضغط عليها :